Bar, (MINA-BUSINESS) – Turističko-informativni biroi u mjestima Čanj, Sutomore, Brca, Šušanj, Stari Bar, Ostros, Dobra voda i Utjeha od nedjelje se zatvaraju, saopšteno je iz barske Turističke organizacije (TO).
„Pružanje informacija, prijava boravka i naplata boravišne takse obavljaće se isključivo u turističko-informativnim biroima Topolica i Virpazar, koji su otvoreni tokom cijele godine“, objašnjeno je iz TO Bar.
Oni su podsjetili da su turističko-informativni biroi centralna tačka za pružanje informacija i usluga turistima koji posjećuju Bar.
„Pored pružanja turističkih informacija, u biroima se obavlja prijava boravka i naplata boravišne takse“, kazali su iz TO Bar.
Oni su dodali da su, prema Zakonu o boravišnoj taksi, izdavaoci smještaja dužni da obave prijavu gostiju koji borave u njihovom smještaju u roku od 24 sata od ulaska u Crnu Goru.
Pravo preuzimanja ovog sadrzaja imaju samo korisnici Agencije MINA.
Kompletna informacija dostupna je korisnicima na linku MINA SERVIS
Longer version of article is available on a link MINA ENGLISH SERVIS
