Podgorica, (MINA) – Crna Gora nikad neće podržati nijednu terorističku organizaciju, ali isto tako neće ni ćutati dok se ubijaju djeca i nevini civili, poručio je premijer i koordinator Ministarstva vanjskih poslova (MVP), Dritan Abazović.
Crna Gora je u Ujedinjenim nacijama podržala rezoluciju koja poziva na hitno i trajno primirje u Gazi.
“Crna Gora nikad neće podržati nijednu terorističku organizaciju, ali isto tako neće ni ćutati dok se ubijaju djeca i nevini civili”, naveo je Abazović na društvenoj mreži X.
Kako je kazao, u takvim situacijama, uz dužno poštovanje svih međunarodnih subjekata, nema uzdržanosti.
“Nastavljamo svoju mirnodopsku politiku, molimo se za mir i stabilnost svugdje širom svijeta. Ponosan na svoje kolege iz MVP”, poručio je Abazović.
Pravo preuzimanja ovog sadrzaja imaju samo korisnici Agencije MINA.
Kompletna informacija dostupna je korisnicima na linku MINA SERVIS
Longer version of article is available on a link MINA ENGLISH SERVIS
